Иконичниот портрет на Ворхол на Мерилин Монро продаден за рекордни 195 милиони долари

Славниот портрет на Мерилин Монро, кој Енди Ворхол го создал по нејзината смрт во 1962 година, продаден е на аукција за неверојатни 195 милиони долари.

Често карактеризирано како „врвот на американската поп култура“, делото на Ворхол, Shot Sage Blue Marilyn, постави два нови ценовни рекорди – за уметничко дело од 20 век, како и за уметничко дело создадено од Американец.

Ворхол го создал портретот по смртта на актерката во 1962 година, односно во 1964 година и оттогаш стана едно од најпознатите дела на поп-артот.

Се наоѓаше во колекцијата на швајцарските трговци со уметнички дела Томас и Дорис Аман, а продадено е на аукцијата на „Christie’s“ во Њујорк.

Интересно е дека постигнатата цена не е изненадување, бидејќи проценките пред продажбата се движеле и до 200 милиони долари.

Чеканот го означи крајот на продажбата на 170 милиони долари, а со дополнителни провизии и бакшиш сликата достигна вкупна цена од 195 милиони.

Ворхоловата „Сина Мерлинка“ постави рекорд за најскапо уметничко дело создадено во 20 век, симнувајќи ја од тронот сликата Les Femmes d’Alger (Version O) од Пабло Пикасо, која во 2015 година беше продадена за 179,4 милиони долари.