Рекордна добивка на црногорското електростопанство во првиот квартал

Црногорското електростопанство (EPCG – Elektroprivreda Crne Gore), според финансиските резултати за првиот кквартал од оваа година, има остварено рекордна добивка во вредност од 33,5 милиони евра, што е значително повисока вредност од соодветниот период во изминатите 10 години.

И покрај неповолните хидролошки прилики, што резултирале во пад на производството во хидроцентралите Пива и Перуќица, за 12% односно 30% во однсо на планираните, остварен е историски резултат, првенствено поради стабилното производство на термоцентралата на јаглен Пљевља, и поволниот пласман на вишоците на пазарот на електрична енергија.  Претходно и државна енергетска компанија во Босна и Херцеговина објави дека остварила сериозна добивка во минатата година, која исто така е една од највиските во историјата на компанијата.