Gucci Giardino 25 на плоштадот Piazza della Signoria во Фиренца

Отварајќи го на Денот на вљубените, Gucci го претстави Gucci Giardino 25, нов целодневен кафе и коктел бар, проширувајќи ја чудесната замисла Gucci Garden, на креативниот директор Александар Микеле.

Сместен на плоштадот Piazza della Signoria во Фиренца, новото седиште е инспирирано од декоративната убавина што ја предизвикува цвеќето, додека го внесува препознатливиот раскош на модната куќа во дизајнирање на кафе-барови. Сенф жолти панели ги надополнуваат живописните и луксузни седишта во паун сина боја.

На останатите места, софистицирани мермерни шанкови и столици ја отсликуваат сензуалната елеганција по која е познат Gucci. Gucci Giardino 25 е идеално место за секој момент во текот на денот, бидејќи целодневното мени го одразува капацитетот на просторот за работа и игра. Опфаќајки го тосканскиот пејзаж и сезонскиот пристап на храната, ова место на висока класа ги претставува традиционалните јадења, додека посегнува по меѓународни состојки од Јапонија и Мексико.

Gucci го нуди и возвишениот Memoire di Negroni, меѓу останатите коктели. За совршени коктели задолжена е Martina Bonci, која љубовта кон виното ја наследила од својата прабаба.

Храната се служи во текот на целиот ден, од доручек во осум часот наутро, до вечера и лесна ужина до еден часот по полноќ.