Бамбусови куќи за оние кои се грижат за животната средина и за време на одморот

Куќичките од бамбус се идеално решение за сите оние кои се грижат за животната средина, дури и кога се на одмор.

Проектанското студио Atelier Nomadic изгради серија куќички на дрво во еколошкото одморалиште Playa Viva, посветени на одржливост и регенеративни практики. Ова се шест згради од бамбус инспирирани призматични тела на рибата ража кои мигрираат по бреговите на имотот.

Расфрлани долж мексиканскиот брег, куќите на дрво се сместени на кокосови палми и имаат фантастичен поглед на морето. Секоја куќа на дрво се состои од главна спална соба напред и прикачена куќа од дрво на задната страна која содржи бања, друга дополнителна спална соба и дневна соба на катот.

Конструкциите се главно изградени од локален бамбус, еден од најбрзо растечките обновливи градежни материјали во светот, и ја покажуваат широката разновидност во која може да се користи овој разновиден материјал. За главната и покривната конструкција се користеле силни бамбусови столбови, во фасадните ламели се користени профилни ленти, а таванот го формираат сплесканите бамбусови панели.

Овој холистички дизајн на куќите имал за цел да се усогласи со очекуваната желба на патниците да останат во возбудливо, здраво сместување, нурнати во природната средина. По неколкумесечна изолација и затворање, гостите можат повторно да се поврзат со природната средина овде: слушање на звукот на брановите, пливање во топлото море, уживање во изгрејсонцето и зајдисонцето и лежење додека ветерот си игра со околните палмини лисја.

Позитивното влијание, и на душата и на телото, е составен дел од искуството на Playa Viva, кое работи целосно офлајн и генерира 100 отсто од својата енергија од сончевата енергија. Одморалиштето интензивно соработува со локалната заедница за поддршка на здравството и образованието и работи во текот на целата година на реновирање и ревитализација на околното земјиште.