Прв тематски парк во светот со обновливи извори на енергија

На Денот на планетата Земја, „Леголенд“ на Флорида стана прв тематски парк во светот кој користи обновливи извори на енергија. Паркот со површина од 60 хектари го реализирал овој проект во соработка со компанијата Tampa Electric.

Иако на Денот на планетата целиот парк работел без напојување од електричната мрежа, понатаму останува енергетски независен само еден дел, кај кој е инсталиран фотоволтаичен систем со моќност од 30 kW. Од своето отворање во 2011, овој парк има спроведено повеќе иницијативи во врска со рециклирањето, и со користење исклучиво секундарни суровини за опремување на мебелот во паркот.