Најголемиот мурал во Латинска Америка – шарени фасади во главниот град на Перу

Долгогодишното сивило на перуанската престолнина Лима, го разбија шарени фасади, создавајќи оптичка илузија на живописен масивен мурал на падините на ридот Сан Кристобал што може да се види од различни точки низ градот.

Живи бои насликани од муралисти красат многу згради во населбата Летисија, додека работниците се ангажирани околу брусење на скали и камени ѕидови.

Проектот во населбата Летисија во Лима започна пред пет месеци, а го водат муралистите Карла Маган и Данијел Манрик.

Активностите се насочени кон подобрување на животот на заедницата погодена од пандемијата Ковид-19 и промовирање на туризмот.

Градскиот мурал има за цел да ги обедини различните идентитети, искуства, проблеми и учења на сите генерации кои заедно ги градат своите животни приказни повеќе од 80 години.

Ова џиновско „платно“ од 320.000 квадратни метри е најголемиот урбан мурал во Латинска Америка.