На аукција во Лос Анџелес, 1200 предмети од култни филмови

Костумот на Џон Траволта од филмот Pulp Fiction, даската за сурфање на Патрик Свејзи од Point Break, како и светлосниот меч на Лиан Нисон од Star wars, ќе се понудат на аукција на предмети од култните холивудски филмови, која ќе се одржи неделава на Беверли Хилс. Вкупно, на аукциите закажани за четврток и петок, ќе се најдат 1200 предмети – облека која во своите филмови ја носеле Мерилин Монро, Брус Вилис, Кијану Ривс, Шварценегер и други, како и многубројни реквизити од филмските сетови. Вредноста на секој поединечен предмет е проценета на 20.000 до 40.000 американски долари.