Вила Наи 3.3: Хотел споен со природата на Дуги Оток

Вила Наи 3.3 е нов луксузен хотел закотвен на Дуги Оток кај Задар, целосно потопен во природата и опкружен со плажи и карпи. Приказната за овој хотел со пет ѕвезди почнува со таткото на градежниот инженер Горан Моровиќ, кој му дал земјиште на Дуги оток, кој во моментов има околу 40 хектари. Следела идејата за Вила Наи, која се родила без многу размислување, пишува Yacht Croatia.

За оваа задача, Моровиќ го ангажирал познатиот хрватски архитект Никола Бачиќ, кој е познат по Морските оргули во Задар, но и од луксузниот хотел D-Resort во Шибеник.

Бачиќ создал вистински архитектонски скапоцен камен, фасцинантен со својата необична геометрија и беспрекорно спојување со теренот. Архитектурата на вилата е концептуално базирана на локалното наследство, а нејзината структура ги имитира елементите на традиционалниот метод на градење во Далмација.

Објектите биле изградени од камен донесен од маслинови градини, а целиот бетон бил направен од камен ископан од ридот. Собите на хотелот се украсени со необични геометриски форми и се дел од ридот, синхронизирани со природата. Истата хидроизолација што била користена на тунелот Готард во Швајцарија, се наоѓа во Вила Наи, според Yacht Croatia.

Лизгачките врати во собите се увезени од Швајцарија (Sky-Frame), а дебелината на нивните рамки овозможува да се ужива во непречен поглед. Исто така, тие нудат највисоко ниво на заштита од ветер, што значи дека ако ветрот дува со брзина од над 200 километри на час, гостинот е безбеден и нема ни да го почувствува.

Димензиите на собите се околу 70, а апартманите околу 90 квадратни метри, со приватни тераси кои всушност се продолжени дневни соби. Сите соби и апартмани се опремени со ексклузивен мебел Giorgetti, имаат пространи бањи со тушеви, два мијалника и кади. Покрај супериорниот изглед на собите и апартманите, сите постелнини го носат потписот на најдобриот италијански производител на ткаенини, Frette.

Вила Наи има два ресторани отворени за гости, кои го служат само најдоброто од островските фарми и од длабочините на морето. Grotta 11.000 е традиционален ресторан со капацитет до 18 места, додека ресторанот 3.3 може да се пофали со модерна медитеранска кујна и има 22 места.

Еден мал затворен базен главно делува како џакузи, додека надворешниот базен со морска вода е долг 23 метри. Водата во базенот, исто така, може да се смени на барање на гостинот.

И со архитектурата и со нивото на квалитет на декорацијата, како и со понудата, Вила Наи 3.3 ја редефинира понудата на луксуз на Јадранот. Целосно интегрирана во природата, Вила Наи 3.3 е скромна, како и сите други убавини што го красат овој остров.