Вистински подарок за архитекти: Минијатури на познати згради

Не знаете што да му подарите на архитект за неговиот роденден? Макети на познати згради можат да бидат добар избор!

Холандската компанија Ittyblox произведува серија модели на легендарни згради и градски блокови. Моделите се направени со 3Д печатење во размер 1: 1.000 и се во целосен колорит.

Зградите се дизајнирани така што можат да се вклопат во модуларни постоља (како Лего коцки) со што можат да формираат цели блокови. Ова значи дека откако ќе почнете еднаш да ги купувате, нема да можете да престанете со собирање…

Достапни се згради од Лондон, Њујорк, Мајами, Чикаго, Амстердам, Париз. Покрај славните згради, понудата вклучува и деловни кули и станбени блокови кои можат да го пополнат просторот помеѓу знаменитостите и така да се создадат урбани целини.

Цените на минијатурните се движат од 10.24 евра за зграда во Њујорк спроти Flatiron, до 103.63 евра за цел историски блок во Амстердам. Секоја недела на понудата се додава по една нова зграда.

Ако ја сакате зградата Flatiron или музејот Гугенхајм на вашата маса, тогаш ова е вистинската работа за вас.

Повеќе за овие 3Д минијатурни и компанијата Ittyblox можете да видите на нивниот сајт.