САД и Германија постигнаа договор за „Северен тек 2“

САД и Германија постигнаа спогодба за рускиот гасовод „Северен тек 2“, завршувајќи го долготрајниот спор помеѓу овие сојузници по тоа прашање. Врз основа на договорот, Германија се согласила да инвестира во украинската инфраструктура за зелени технологии, а САД ќе престане да го блокира гасоводот. Неколку часови пред да се објави постигнувањето на овој договор, канцеларката Меркел разговарала по телефон со рускиот претседател Путин. Гасоводот „Северен тек 2“ кој ги поврзува Русија и Германија, веќе долго време е болна точка во односите помеѓу Берлин и Вашингтон.