Започнува изградбата на каналот „Истанбул“ – ќе има тројно поголем капацитет од „Босфор“

Турција кон крајот на јуни ќе започне со изградба на каналот „Истанбул“, односно нов канал помеѓу Мраморното море и Црното море, поради јакнење на сигурноста на поморскиот сообраќај. Планирано е капацитетот на овој нов канал да биде речиси тројно поголем од капацитетот на босфорскиот канал. Преку него низ Истанбул дневно на безбеден начин ќе минуваат до 185 бродови. надлежното Министерство за животна средина и урбанизам на Турција, издало посебни согласности за тој мегапроект, со кој значително ќе се растовари транспортот на опасни материи низ Босфорот. Планирано е изградбата на проектот да биде завршена до крајот на 2025 година.