Србија: Започна изградбата на ветерниот парк „Кривача“ со моќност од 103 MW

Компанијата Ivicom Energy ја започна изградбата на ветерната електрана „Кривача“ во општината Голубац. Тоа ќе биде прва електрана од ваков вид во оваа земја лоцирана јужно од Сава и Дунав, бидејќи сите досегашни се во Војводина. Ivicom Energy е во сопственост на австриската компанија Ivicom Holding, која е многу активна во регионот кога станува збор за инвестиции во зелена енергија. Во „Кривача“ ќе се инвестираат 140 милиони евра.  Електраната ќе започне со производство во средината на 2023 година, а очекуваното годишно производство е 310MWh.  Во првата фаза ќе бидат изградени пристапните патишта, а ветерниот парк ќе брои 22 ветротурбини. Изградбата на локалните патишта во должина од околу 13 километри, ќе биде многу значајна и за локалната заедница, додека со изградбата на далеководите во должина од околу 20 километри ќе се подобри сигурноста во снабдувањето во тоа подрачје.