Хрватска: Пуштена во погон ветерната електрана „Корлат“

Претседателот на Владата на Република Хрватска Андреј Пленковиќ и претседателот на Управата на Хрватското електростопанство (HEP – Hrvatska elektroprivreda), Фране Барбариќ, ја пуштија во погон ветерната електрана „Корлат“ која се наоѓа во близина на Бенковац. Инвеститорот HEP, планира на истата локација идната година да изгради и соларна електрана од 95MW, со што ќе се направи првиот обновлив хибриден парк во Хрватска.

Ветерната електрана „Корлат“ се наоѓа 8 километри северозападно од Бенковац и има вкупна инсталирана моќност од 64,8MW (18×3,6MW). ветерните турбогенератори се испорачани, инсталирани и пуштени во погон од страна на германската компанија Ing-Grad и Fractal.  Ветерната електрана „Корлат“ нема статус на повластен производител и е прва нова ветерна електрана во Хрватска која електричната енергија ја произведува без загарантиран откуп според повластена цена.