Јавни тоалети со лебдечки бетонски ѕидови

Јапонското архитектонско биро Suppose Design Office затвори јавни тоалети со лебдечки бетонски ѕидови во градот Shibuya во Јапонија.

Проектот наречен Public Toilet in Sendagaya, сместен е помеѓу експресн пат Metropolitan и метро станица National Stadium, а проектиран е како затворен волумен и не ја открива својата функција.

Архитектите создале објект кој треба да претставува јавен простор со културен аспект, кој ќе го користат посетители од Јапонија и странство кои ќе доаѓаат по повод Олимписките игри, како и да служи како инфраструктура за градот во иднина.

Во центарот на затворениот простор сместени се кабините и мијалниците, а функцијата е сокриена со дебела бетонска обвивка, подигната 50 сантиметри од земја.

Со примена на ѕидови кои лебдад над земјата, архитектите сакале да создадат добра врска помеѓу внатрешноста на објектот и градот, како и транспарентност што им овозможува на корисниците да почувствуваат присуство на луѓе.

„Успеавме да се ослободиме од ходниците и ќорсокаците кои даваат чувство на стагнација и нелагодност во јавните тоалети“, велат од бирото.

Внатрешните sидови се високи 7,5 метри, обработени се со бетонска текстура, а меката светлина која продира низ процепите на покривот импресивно ја вовлекува светлината во внатрешноста.

„Специфичностите кои се во спротивност со вообичаената перцепција на тоалети, како што е дрвена облога од Akoya, месингани натписи кои личат на хотелски и мијалник поставен во средина за да можат да го делат мажи и жени, планирани се со акцент на рационалност и различност.“, велат архитектите.

Создавајќи простор кој е едноставен, лесен за употреба и висококвалитетен, архитектите очекуваат дека објектот ќе ја промени свеста на корисниците и дека тие ќе можат да учествуваат во одржување на пријатното опкружување.