Србија стана транзитна земја за рускиот природен гас

Во претпоследниот ден од 2020 година, првите 140 000 m³ руски природен гас влегоа во српскиот систем преку Балканскиот тек. Со овој нов гасовод, Србија за прв пат стана транзитна земја за природен гас. Оваа улога ќе се зајакне и со изградбата на интерконективниот гасовод Ниш – Димитровград – Софија. Со активирањето на Балканскиот тек се „отвара“ транзитната рута низ Унгарија, која во Србија минува во близина на преминот Хоргош, чиј капацитет е 7 милијарди кубни метри гас. Гас од Србија веќе се испорачува кон Босна и Херцеговина, а во план е изградба на гасовод до Бања Лука.

Новата рута на снабдување со гас преку Балканскиот тек, за Србија ќе значи и пониски цени на природниот гас за своите потрошувачи. Од Србијагас велат дека од 1ви јануари 2021 година цената на гасот на бугарско – српската граница ќе биде 155УСД за 1000 метри кубни. Стапката на рентабилност на оваа инвстиција е 8%, а Србија ќе добива надоместок за транзит во вредност од 2,8УСД за 1000 метри кубни на 100 километри.