Турција: Изградена геотермална електрана од 50MW за само 38 дена

На компанијата Güriş Holding и требаа само 38 дена за да ја инсталира и пушти во погон својата геотермална електрана EFE 8. Планираното годишно производство од оваа електрана со инсталиран капацитет од 50MW e 400GWh. Станува збор за дел од комплексот EFE кој има вкупно 260MW. Новата постројка се состои од две единици од по 25MW, со два фллуиди во бинарен циклус.

Компанијата Güriş Holding, освен во енергетиката работи и во секторите: сообраќај, водостопанство, индустрија,третман на отпадни води и туризам. Овој конгломерат е активен и во Украина, а во Косово е сопственик на ветерниот парк “Китка“.