Трговски центар во Белград со многу природно светло

BEO Shopping Center е трговски центар отворен во јуни минтата година во Белград на локација кон која гравитираат 350 илјади жители. Покрај добрата локација и разноврсната понуда на брендови, BEO Shopping Center се одликува и со иновативен архитектонски концепт кој го карактеризираат отворени површини, широки ходници, многу природно светло и зеленило.

Трговскиот центар со висина од три ката зафаќа површина од над 130.000 квадратни метри, гаража со над 1.200 места за паркирање, како и 13 ресторани. Неговата понуда се состои од повеќе од 150 глобални и регионални брендови распоредени на површина од 43 илјади квадратни метри.

Проектантското биро Chapman Taylor’s од Диселдорф го креирало концептот и проектот на функционалната шема, додека канцеларијата на истото биро со седиште во Мадрид е проектант на ентериерот.

Архитектурата овозможува пријатна околина каде се чувствува допир со природата. BEO има пространи простории за одмор, уникатен дел за храна со две тераси, модерни ресторани, мултиплекс кино со 8 хај-тек сали за прикажување и безбедно и заштитено детско игралиште.