Океанот како инспирација

Паралелно со спектакуларната карпа Broad Cove Marsh на Атлантскиот Океан во Нова Шкотска, се протега куќа со неверојатен поглед. Покрај канадските карпи на Атлантскиот Океан, бирото Omar Gandhi Architect проектирале куќа за одмор за брачна двојка од Торонто со три деца.

Објектот се наоѓа на периферијата на Inverness, мало приморско место кое е популарно меѓу туристите и сезонските жители поради песочните плажи и дините, стрмните карпи и терените за голф од светска класа. Клиентите купиле долга парцела долж крајбрежјето за да уживаат во зајдисонцето над заливот St. Lawrence.

Главната оска на зградата е бетонски ѕид поставен паралелно со брегот, кој ја дели куќата на два дела и ја ограничува едната страна од ходникот. Додека другата страна на ходникот, се состои од долг континуиран дрвен ѕид. Ѕдот одделува простори за релаксација, готвење и примање гости. Сите простории на куќата се опкружени со големи прозорци со поглед кон океанот.

На едниот крај се дневната соба и кујната со голем остров за подготвување и консумирање оброци. Во втората половина на куќата има три единици свртени кон запад, што претставува приватен дел со спални соби и бања.

Едноставен кос кров ја покрива куќата не заклонувајќи им го погледот на станарите. Во кујната, падот е направен обратно, со цел и таму да се добие природна светлина.

Целиот ентериер е многу едноставен, со чисти линии и со минимум декоративни елементи. Природното опкружување, промената на годишните времиња и неверојатниот околен пејзаж добиле  примат и се најважниот украс на овој ентериер.