Саудиска Арабија гради луксузно одморалиште на сред древниот град Ал Ула, по проект на легендарниот Жан Нувел

Саудиска Арабија го откри проектот за изградба на зачудувачки луксузно одморалиште кое е сместено во природниот резерват Sharaan, односно во областа нa древниот град Ал Ула. Проектот за одморалиштето кое исто така го носи името Sharaan е дело на францускиот архитект Жан Нувел. Првите сцени покажуваат елегантни и пространи дворови на одморалиштето, за разлика од неговата богата интимна внатрешност. Нувел вели дека проектот делумно е инспириран од Hegra – археолошка локација на UNESCO, која е неодамна отворена за јавност. Архитектот истакнува дека на овој начин сака да придонесе за зачувување на древниот пејзаж на саудиската пустина. „Ал Ула е музеј. Секое зрно песок, секое геолошко и археолошко наоѓалиште го заслужуваат целото внимание и бараат детално проучување. Од витално значење е да ја задржиме целата препознатливост и атрактивност на пустината“, рекол Нувел за Dezeen.

Одморалиштето Sharaan, ќе биде отворено за посетителите до 2023 година, а ќе вклучува 40 апартмани за гости и три вили.  Развојот на комплетниот проект ќе биде под надзор на Нувел, заедно со кралската комисија на Ал Ула, која е формирана во 2017 година со цел помош во развојот и промоцијата на овој регион. Овој проект е дел од пошироките напори на Саудиска Арабија да се истакне како меѓународна туристичка зона, и на тој начин да придонесе за развој на економијата и националниот идентитет на земјата.