Павилјонот на Кенго Кума во Токио се подготвува да се сели на планините

Во срцето на квартот Харуми,Токио, Кенго Кума и соработниците (ККАА), фирма за архитектура со седиште во Јапонија, проектирале полуотворен и привремено поставен павилјон за уметнички перформанси, настани и изложби, кој ќе биде демонтиран и пренаменет за уште еден павилјон, кој ќе се смести во националниот парк Хирузен во јапонската административна област Окајама. Слично на врвот на планината во Хирузен, павилјонот на Кенго Кума е изграден и слоевит на начин што прикажува спојување на карпеста планина и стаклена градина преплавена со сончева светлина.

Проектантите на привремениот павилјон користеле челична рамка како основа на конструкцијата, која е прекриена со CLT панели за да се создаде повеќеслојна фасада која спирално се движи кон отворено небо.

Панелите од ламелирано дрво CLT или Cross-Laminated Timber привлечни се со својот префабрикуван, монтажен, лесен, но сепак издржлив квалитет и нивниот уреден процес при вгардување, кој има мало влијание врз животната средина.

Додека панелите CLT формираат цик-цак-шема и се преклопуваат едни со други во процесот на ортогонално лепење, остануваат отворени празнини кои е потребно да се покријат. Подготвувајќи се за лоши временски услови, ККАА празнините ги затвориле со проѕирни парчиња филм наречен TEFKA. Во образложението за примена на TEFKA, д-р Кенго Кума вели дека филмот отпорен на временски услови „е полесен од стаклото и е толку податлив што може да се тркала за да се транспортира. Тоа е [идеалниот] материјал за преселување и реконструкција. Исто така, има совршена транспарентност што ја баравме “.

Со имплементација на проѕирен пластичен филм налик на стакло за одржување на внатрешниот простор на павилјонот, заедно со цик-цак панелите CLT, сенките на сончевата светлина го претвораат овој јавен павилјон во блескав шумски лавиринт за време на сончевите часови.

Покрај тоа, во внатрешноста на изложбата, див е природниот свет и шумите. Во простории како „Собата на шумите“, вкрстените плочи од дрво наликуваат на торнадо, потсетуваат на монолитна енергија и долговечноста на шумите. Панелите CLT се изработени од Meiken Lamwood Corporation во Манива, користејќи дрво од јапонски чемпреси, добиени од Окајама, каде што тимот на Кенго Кума планира преместување на својот полу-отворен павилјон.

Од материјалите користени за изградба на овој заенички, природен простор, до претстојното големо преселување до корените на CLT паркот, се заедно е потсетување за тоа колку сме блиски на природниот свет и за неизбежното патување назад за секој од нас.