Пешачки „раздвоен“ мост

Овој интересен мост се наоѓа во Шенжен, Кина, за кој се смета дека е градот со најбрз развој во светот. Шенжен е милионски град, кој секоја година се шири за над илјада хектари, така што сето ова мора да биде придружено со одредена инфраструктура. Новиот мост се наоѓа веднаш до патниот мост во источниот дел на градот во заливот Дапенг, кој е свртен кон водата од едната страна, додека другите страни се опкружени со планини.

Пешачкиот мост се состои од два одделни дела со вкупна ширина од осум метри. Секој одделен дел е широк четири метри. Едниот е рамен, без пречки и може да се користи за пешачење, трчање, возење велосипед. Другиот е во форма на брановидна патека што се движи од нивото на земјата до нивото на водата на езерото и понатаму до нивото свртено кон пристапниот пат. Аеродинамичкиот дизајн на конструкцијата им овозможува на луѓето да забават во одредени делови ако сакаат.

Делумно е инспириран од мостовите по кои се познати стандардните кинески градини. Тоа е едноставна конструкција составена од два дела, еден рамен и еден со лакови. Првиот дел од мостот е права патека и тој е во форма на права линија што асоцира на површината на водата, додека вториот дел кој е закривен ги претставува брановидните ридови. Овие два дела или две „патеки“ во комбинација формираат „Сплит мост“. Висините на патеките во брановидниот дел создаваат интересни гледишта за набљудување на животната средина. За да се направи поедноставна конструкцијата, проектот го оптимизира геометрискиот состав и ја прилагодува кривата на дистрибуција така што има кореспонденција меѓу прави линии на прави делови и закривен сегмент на висина и обратно, избегнувајќи хиперболоидна геометрија.

Со цел да се пресмета висината и распонот на гредите, но и да се ослободи намалувањето, поместувањето и температурниот напон на мостот, проектот користи рационална структурна поделба. Ова е со цел да не се загрози положбата на столбовите. Од друга страна, за да се задржи големината на гредата на висина од 750 милиметри, распонот на скалите морало да биде меѓу 15 и 22 метри. Телото на мостот е поделено на три дела, со споеви што формирале конзолни греди од двете страни. Должината на конзолните греди е четири метри.

„Сплит мостот“ се залага за принципот на економичност и брза градба, со ниски трошоци за одржување. Градежните материјали се стандардизирани и усвоени од Бирото за урбанизам: асфалт во боја, подни плочки и метални огради. Во прилог на ова, поради локацијата и обезбедувањето на конструкцијата од уривање, главниот дел на мостот е армирано-бетонска конструкција истурена на самото место.