Во Зимбабве пронајдени 12 мртви слонови, се сомнева на бактерија

Во Зимбабве пронајдени се уште 12 мртви слонови, со што вкупниот број на мртви животни пронајдени за еден месец се искачи на 34, а кои, како што изгледа, умреле од последици на иста бактерија, соопштија властите оваа земја.

„Пронајдени се вкупно 34 леша …“, изјави директорот на Управата за паркови и фауна Фултон Упенју Мангвања.

Животните угинале помеѓу 24. август и 23. септември во близина на паркот Хванге, најголемиот резерват на Зимбабве, кој се наоѓа на границата со Боцвана.

Пронајдени се како лежат на стомак, што укажува на ненадејна смрт, рече Мангвања.

Тестовите спроведени во Зимбабве укажуваат на бактериска инфекција.

Чуварите првично се сомневале дека ги отруле ловокрадци, но тоа е отфрлено, затоа што слоновите биле пронајдени со бивни.

Дополнителни анализи ќе бидат направени во Јужна Африка, но исто така и во Велика Британија и САД.

Зимбабве има вишок популација на слонови, со повеќе од 84.000 единки, за еколошки капацитет проценет помеѓу 45.000 и 50.000.

Во резерватот Хванге, кој има помеѓу 45.000 и 53.000 слонови на околу 14.600 квадратни километри, еден број последниве години починал од глад и жед.

Во соседна Боцвана има 130.000 слонови во слобода, што е најголема популација на светот. Мистериозната смрт на повеќе од 300 слонови во Боцвана оваа година се припишува на природни токсини.