Нова Apple продавница во Сингапур

Apple отсекогаш ги поместувал границите на технологијата, како и архитектурата на нивните продавници. Овој пат создадоа голема, блескава, топка што плови како Apple продавница, која изгледа како Apple да паднала далеку од стеблото, право во вода.

Најновата продавница за нивните производи се наоѓа во Сингапур на брегот на градот и официјално е позната како Apple Marina Bay Sands. Таа е прва продавница на Apple што лебди и нуди целосно ново искуство.

Во текот на денот, продавницата потсетува на нешто од научно-фантастичен филм и сигурно ќе го привлече вниманието на луѓето. Но, највозбудлива е во ноќните часови кога ќе заблеска на позадината на градот исполнет со облакодери. Куполата на павилјонот се стеснува до окулус, овозможувајќи светлината непречено да ја исполни внатрешноста на топката.

Стаклените панели го отсликуваат небото во текот на денот и зрачат со топла светлина во текот на ноќта. Додека се чекаат повеќе детали за нејзината внатрешна поставка, познато е дека ова е 512-та продавница за малопродажба на Apple и дека е отворена со мало графичко видео. Оваа продавница на Apple се нарекува и „фенер на заливот“, што е суптилен поздрав на Сингапурскиот есенски фестивал Mid-Autumn. Патека за пешаци и подводен тунел ја поврзуваат продавницата со трговскиот центар во близина.

Дизајнот на продавниците на Apple е интригантен и може да се препознае каде било во светот (дури и без логото на компанијата), но истовремено секоја продавница е дизајнирана за да се вклопи во културата на тој градови. Има нишка на глобална униформност која провејува во секоја продавница, а притоа се грижи за привлекување на домашна публика.