Куќа во Аргентина на која први комшии и се борови

Натур бетонот на оваа викендица одлично послужил како позадина за десет борови околу кои е подигнат двокатен објект.

Архитектонското биро Estudio Frolik, кое го потпишува проектот за куќата наречена House With Ten Pines (Куќа со десет борови), добило задача конструктивниот склоп на овој објект, во местото Пинамар во Аргентина, да го прилагоди на локациските услови и да ја исполни желбата на инвеститорот, викендицата делумно да се вкопа во земја.

За да се создаде што попријатна атмосфера внатре, направена е викендица на две нивоа со вкупна површина од 260 квадратни метри во која применетиот натур бетон ја нагласува конструкцијата, го изразува карактерот на просторот, но е и одлична позадина за боровите кои излегуваат во преден план.

Долното ниво, под нивото на тлото, организирано е низ два тракта. Првиот е наменет за комуникација и комплетно е вкопан, па нема директна сончева светлина, додека другиот, поблиску до стаклената фасада е организиран како низа спални соби.

На сличен начин е организиран и катот. Катот за разлика од сутеренот, може да оствари дополнителна врска со опкружувањето, преку стаклената фасада, која по желба може да се отвори во зоната на трпезаријата.

Имено, транспарентната фасада во овој дел може целосно да се отстрани, така што трпезаријата станува дел од покриената тераса. На овој начин се добива апсолутен континуитет на просторот и се создава уникатна целина во која внатрешноста се меша со надворешноста, велат архитектите за ArchDaily.

Нивоата креираат врска преку две скалишта, каде едните започнуваат од зоната на спалните соби, а излегуваат во кујната, додека другите се надворешни и водат од сутеренот до терасата.

Вака се создаде простор кој е функционален, а сепак од друга страна е свртен кон природата, односно кон првите соседи – боровите!