Како да ги заштитите растенијата од топлината

Летните температури и силното сонце може да претставуваат опасност за растенијата во вашиот двор и да го загрозат нивниот понатамошен раст. Сепак, со неколку трикови и совети, вашите цвеќиња и растенија ќе можат полесно да ја издржат топлината, а дворот ќе остане беспрекорно уреден во текот на летото.

САКСИИ ВО БОЈА

Ако чувате цвеќиња во саксии, проверете дали тие се со светла боја. Се чини тривијално, но помага. Светлите садови ја рефлектираат сончевата светлина и апсорбираат помалку топлина, додека темните се загреваат побрзо и ја исушуваат почвата во садовите.

НАВОДНУВАЊЕ

Редовно наводнување е неопходно за растенијата да напредуваат, но наводнување во погрешно време може да им наштети на растенијата. Затоа е најдобро да ги наводнувате во одредено време – рано наутро кога сонцето е слабо или доцна навечер, кога не постои опасност сончевите зраци да ги изгорат.

ЃУБРИВО ОД КАЛИУМ

Калиумот е еден од најважните макронутриенти во исхраната на растенијата затоа што, меѓу другото, тоа влијае на навлегувањето на водата од почвата и задржувањето на водата во растителното ткиво. Бидејќи калиумот е присутен во многу мал процент во почвата, пожелно е да додадете калиумско ѓубриво во саксиите.

БОРОВА КОРА

Ставете парчиња борова кора во саксии: кората од четинари задржува вода, така што почвата ќе се исуши побавно и растенијата ќе имаат пристап до вода подолго.

ОБЕЗБЕДЕТЕ ИМ СЕНКА НА РАСТЕНИЈАТА

Ако при планирање на градината не сте го земале предвид движењето на Сонцето и изложеноста на растенија на неговите зраци, подоцна може да обезбедите сенка за чувствителните растенија. Користете мрежи за сенка или некоја друга светла ткаенина што ќе ги омекне сончевите зраци и ќе ги спречи растенијата да се исушат.