Современ семеен дом на урнатини од 17 век

Дури и долго напуштените урнатини можат да добијат шанса за нов живот, а тоа најдобро го потврдува неверојатната куќа „Parchment Works“, која е изградена на остатоци од стара мелница од 17 век, која била дел од поранешна фабрика за хартија и околните плевни.

Оваа необична семејна куќа се наоѓа во Нортхемптоншир, Велика Британија и е дело на архитекти од бирото „Will Gamble Architects“, кои ја искористиле старата тула на совршен начин и ја комбинирале со модерна надградба.

Хармонична транзиција помеѓу старото и новото е постигнато со употреба на големи стаклени панели, панорамски прозорци и врати.
Стаклените површини не само што ги поврзуваат сите делови во една целина, туку го зачувуваат историскиот шарм на старата градба.

Сопственикот на куќата сакал да ја зачува постојната архитектура, така што на архитектите не им било дозволено да ги срушат или да ги преместуваат sидовите.
Како резултат, се создала светла и отворена внатрешност, која во еден дел ги обединува кујната, трпезаријата и дневната соба.

Издвоени се само приватните простории – спални соби и бањи, но дури и тие простории се дефинирани од постојните ѕидови.
Интересен елемент за внатрешни работи се потпорните дрвени греди кои се сочувани од разрушениот покрив на некогашната штала, а во новиот дом прават атрактивен контраст со ултра модерните елементи во кујната.