Викендица што го почитува историското наследство од 19 век

Проектот за објектот наречен Bollbacken Cottage е потпишан од архитектонската фирма Söderberg Söderberg, која успеа да создаде автентичен амбиент со употреба на традиционални и природни материјали, но да го задржи духот на старите.

Преку новиот дизајн се применува истата организација на просторот, големината, како и видот на материјалот со цел да се вратат сеќавањата на старата зграда – касарна за војниците од средината на 19 век, која била целосно уништена.

Новиот објект од 75 метри квадратни е дизајниран како двокатна структура, каде што првиот кат ја задржал оригиналната висина на таванот, но со лизгачка скриена стаклена врата од подот до таванот. Наспроти вратите се создава интересна врска меѓу внатрешноста на куќата и околната градина.

Карактеристичен елемент на приземјето е отвореното огниште, наредено со рачно изработени цигли, пишуваат архитектите за ArchDaily. Каминот е направен од огноотпорни тули, а ложиштето е изработено од железо, кое потоа се продолжува во оџакот.

Кујната направена целосно од нерѓосувачки елементи е необична глетка за една викендица, дури и во Шведска.

Иако во еден дел е прекината со врата, таа може да се поврзе со дополнителни работни површини.
Првиот кат е отворен простор кој зазема тивок дел од викендицата, па така во овој дел од куќата се креветите и гардероберите.

На надворешноста на куќата доминира црвена боја, не само на дрвената фасада, туку и на покривот. Стаклените отвори на куќата се истакнуваат со бели рамки, додека влезната врата е само нетранспарентна и е во црна боја.