Полска го шири капацитетот на терминали за ТПГ на Балтичко море

Одделот за ТПГ (Течен природен гас) на полскиот оператор за гасна инфраструктура  Gaz-System и простаништата  Szczecin  и Swinoujscie, заедно со конзорциумот составен од Porr и TGE Gas Engineering, потпишале договори во вредност од  483 милиони УСД. Благодарение на овие договори, ќе се прошират терминалите за ТПГ во Swinoujscie на Балтичко море, од моменталните 5 на 8,3 милијарди  кубни метри до 2023 година. Новите капацитети ќе дадат одговор на високата побарувачка за природен гас во Полска. Исто така, со овој ТПГ терминал се настојува да се намали зависноста од рускиот гас, кој сочинува половина од вкупната потрошувачка на гас во полска.