Монтажен објект кој може да се постави како куќичка на дрво

За сите оние кои како деца сакаа да имаат куќа на дрво, компанијата Antony Gibbon Design може да ја исполни нивната желба обезбедувајќи им монтажен објект кој може лесно да се подигне на кој било терен и тоа далеко над соседите!

Дрвената куќа наречена F3 може да се прилагоди на различните потреби на корисниците, но и на условите на локацијата, благодарение на нејзината челична конструкција.
Имено, двоспратната зграда со хексагонален облик на основата, благодарение на неговото конструктивно склопување со поддршка на столбови, може да се постави каде и да посака клиентот, дури и меѓу крошните, за да изгледа како куќа на дрво.

Пирамидалниот облик на зградата овозможува поставување на куќа во планинска околина каде е потребен поголем наклон на покривот. Од шестоаголната основа, четири фасадни sидови се подигаат под агол, додека два остануваат под прав агол во однос на основата. Токму овие sидови се застаклени што овозможуваат одличен, подигнат поглед на околината.

На првото ниво на куќата има дневна соба со кујна и бања, додека на првиот кат има спална соба, пишува Architizer. Она што е специфично за овој монтажен објект е дека може да се прилагоди на специфичните барања на клиентите во однос на функцијата и опремата.

Куќата е достапна со различни завршни фасади / покриви, а се нуди и преку опции поврзани со прозорци и врати, со цел да се прилагоди зградата на различни услови за локација и буџет.