„Гаспром“ ја зголеми цената на гасот за Украина

Најголемиот руски производител на природен гас, компанијата „Гаспром“, соопшти дека во вториот квартал ќе ја зголеми цената на гасот за Украина на 385,5 долари за 1.000 метри кубни. Цената во претходниот квартал изнесуваше 268,5 долари. Со оваа одлука Украина го загуби попустот на цената за гас што го договори со Русија минатата година, пред почетокот на политичката криза во Киев.

Според генералниот директор на „Гаспром“, Алексеј Милер, украинскиот долг за рускиот гас моментно изнесува 1,7 милијарди долари.