Планинска куќа во Националниот парк Шумава во Чешка

Планинската куќа од 462 метри квадратни, сместена на илјада метри надморска височина, привлекува внимание со својата големина, но и со својот природен изглед и материјали, благодарение на што лесно се вклопува во околината.

Архитектонската фирма Triarchitekti го има дизајнирано проектот на таков начин што ќе им обезбеди на жителите на двете станбени единици целосен комфор, додека уживаат во погледот на недопрената околна природа на Националниот парк Шумава во Чешка.

Организацијата на просторот се заснова на принципот што традиционално се применува во оваа област со векови. Имено, двете станбени единици се поставени попречно, едни спроти други со меѓусебна врска што е како во огледало.

Двете единици имаат посебни влезови на предната и на задната страна, но исто така и посебни области. Заедничките капацитети вклучуваат подрум со технички простор, сауна на приземје и повеќенаменска влезна површина и тремот, како и спална соба во таванот.

Во однос на изградбата, основата на зградата се состои од бетонски подрум и скали кои го носат товарот на целата планинска куќа направена од дрво. Применетите дрвени CLT панели ја прават зградата многу стабилна, а во исто време тие се еколошки и се карактеризираат со брза монтажа.

Фасадата е направена од традиционална дрвена облога со украсни елементи кои ја потенцираат вертикалноста. Покривот е изработен од природен шкрилец, додека долниот дел на куќата е изработен од локален гранит, кој го штити објектот од суровите временски услови на планината.