Прозорци кои штедат енергија

Топлинските добивки од сончевото зрачење се сериозен проблем за системите за климатизација, т.е за потрошувачката на енергија во еден објект. Студентот по архитектура Тајлер Шорт нуди уште едно решение за овој проблем. Дали овој концепт ќе донесе промени и напредок во оваа област останува да видиме.

Се работи за т.н. „Кинетичко и механичко решение“, односно систем кој е во целост автоматизиран, така што нуди заштита од сончевото зрачење во кој било период од денот. Се состои од повеќе вертикално поставени ленти кои се поместуваат со помош на механизам, во положба која обезбедува максимално засенчување.