Албанија и Косово во преговори за заеднички енергетски пазар

Косово и Албанија ги започнаа преговорите за формирање заеднички енергетски пазар. Албанското министерство за енергетика и индустрија соопшти дека се започнати разговори со косовското министерство за економски развој за формирање единствен енергетски пазар. Албанскиот министер Дамјан Ѓикнури и неговиот косовски колега Фадил Исмајли во Тирана изјавија дека стартот на оваа соработка ќе биде со далноводот Призрен – Кукс кој треба да заврши во рок од две години.