Србија: Најавен првиот респиратор од домашно производство

Респиратор, заштитни одела, нов вид маски со ХЕПА филтер, кабини за дезонфекција на јавни места – се само дел од 12-те решенија кои ги финансира српскиот Фонд за иновации (Фонд за иновациону делатност). Се разбира најголем интерес кај јавноста предизвика најавата за изработка на првиот респиратор од домашно производство, и тоа во рекорден рок кога станува збор за ваков вид уреди.   Се оперира со рок од четири недели. На објавениот јавен повик од Фондот стигнале околу 300 предлози, од кои стручната комисија дала приоритет на решенијата за кои е оценето дека ќе дадат најбрз и стратешки најважен одговор на кризата.