Претседателите на Австрија и Швајцарија со метро низ Виена

Претседателот на Австрија, Александер ван дер Белен често користи градски превоз во Виеана и со тоа придонесува за заштитата на животната средина, а на такво однесување ги наговара и своите гости.

Тој заедно со колошкеата од Швајцарија, претседателката Симонета Сомаруго, која беше во официјална посета на Виена, се возел во метро до местата предвидени во рамки на посетата.

„Заедно со швајцарската претседателка Симонета Сомаруго во градски превоз кон проектот за развој на Виена, Фиртел Цвај во виенскиот Криау. Тоа е конкретен проект, кој произведува 70 отсто топлина и ладно, без емисија на штетни гасови од постоечки извори на енергија на лице место. Со тоа годишно се заштедуваат 800 тони CO2. Пример за овој проект е енергетски проект од Швајцарија“, напишал Ван дер Белен на својот профил на Фејсбук проследен со фотографија на која е со претседателката на Швајцарија во метро.