Изложба на популарниот британски портретист Џонатан Јео

Џонатан Јео, уметник кој својата слава ја стекнал со сликање на портрети на познати личности, ја отвори својата самостојна изложба во познатиот културен центар Lowry во Манчестер.

На изложбата се изложени веќе познати дела на Yeo, како што се портретите на Руперт Мардок, Хелена Бонам Картер, Идрис Елба, Денис Хопер, Ерин О’Конор, Стивен Фрај и Сиена Милер, како и претстави на други селебрити личности во светот. На изложбата за првпат е претставен и портрет на поранешниот премиер Тони Блер од 2008 година. Изложбата за сите заинтересирани ќе биде отворена до 27 јули.