Канцеларии во сред град опкружени со шума

Густа урбана шума во Лос Анџелес со преку 4.5 илјади квадратни метри со разни видови растенија, опкружува канцеларии кои слободно можат да се сметаат за едни од најубавите работни места на светот.

Дело на шпанската архитектонска фирма SelgasCano, SecondHome Hollywood е креативен co-working работен простор кој е отворен на некогашен паркинг во Холивуд.

Комплексот се состои од 60 овални стаклени канцеларии со различни димензии опкружени со зеленило кое ќе понуди удобен работен простор за тимови помеѓу четири и 200 членови.

Една од најголемите градини во градот содржи 6.500 растенија, вклучувајќи и дрвја, како и 700 тони земја. Засадени се 112 автохтони видови растенија.

Шпанската фирма ја реновирала и некогашната зграда на културниот центар од 60-тите години и ги трансформирала во дополнителни 30 канцеларии.