Обединети Нации: Развојот на технологијата и климатските промени генератори на глобална нееднаквост

„Климатските промени и технологијата можат да создадат нов вид на глобална нееднаквост, што би можело да предизвика насилство и политичка нестабилност, доколку овој феномен помине незабележано“ е заклучокот на Обединетите Нации.

Климатските промени и технологијата, а не богатството и примањата се клучни столбови на модерното општество, кои се почесто креираат поделби помеѓу оние кои имаат и оние кои немаат, пишува во Извештајот за човековиот развој за 2019 (HDI – Human Development Index).

Со порастот на традиционалните облици на нееднаквост, како што се екстремната сиромаштија и болестите, споменатите видови на нееднаквост стануваат поизразени, се наведува во документот, и се додава дека „во сенка на климатската криза и големите технолошки промени, нееднаквостите во однос на HDI попримаат нови облици.“