Јавната библиотека „LocHal“ е избрана за „Зграда на годината“ 2019 (видео)

Јавната библиотека во Тилбург во Холандија ја доби престижната награда Зграда на годината на Светскиот фестивал за архитектура.

Библиотеката „LocHal“ дизајнирана од Civic Architects, Braaksma & Roos Architectenbureau  и Petra Blaisse наградена е на Светскиот фестивал за архитектура (WAF) за неговата разноврсност од страна на жирито од 150 архитекти, дизајнери и професори.

„LocHal“ е сместен во поранешен хангар за локомотиви изградени во 1932 година, што по реконструкцијата, се претвори во јавен простор, односно во дом не само за илјадници книги, туку и за уметнички организации и почетнички активности. Библиотеката исто така има простор за предавања и други јавни настани, како и „лаборатории“.

“Жирито е импресионирано дека стариот хангар е претворен во фантастична зграда која беше планирана за рушење, но исто така создаде простор каде многу корисници можат да се сретнат и да комуницираат. Во оваа светло зградата стана социјален кондензатор “, се вели во соопштението на WAF.

Најголемата предност на оваа зграда е нејзината големина. Во основата има 90 × 60 метри и висина од 15 метри. Овие димензии им служеле на архитектите како игралиште каде што можеле да дозволат нивната имагинација да работи. Сепак, наместо да го поделат просторот, тие го ослободиле од прегради и дозволиле погледот да се шири дијагонално. Кога просторот треба да се прегради, има текстилни драперии кои не само што можат да послужат за одвојување на просторот, туку и за проектирање на видео содржини.

Од стотиците примени записи, „LocHal“ беше избран во конкуренција на дела кои се наградени во 18 различни категории кои вклучуваат станбена, јавна и комерцијална архитектура – од Спортскиот центар во Барселона до Универзитетот во Токио. Меѓу финалистите биле и луксузниот хотел „Линдис лоџ“ во Нов Зеланд, новиот дрвен терминал „Мактан-Кебу“ на Филипините, како и две дела на Томас Хедервик (Coal Drops Yard и Hudson Yards)

Наградата е основана во 2008 година, а WAF оваа година по втор пат се одржа во Амстердам. Минатата година наградата ја освои иновативниот комплекс за домување во Сингапур.