Белград: Конференција за обновливи извори на енергија во далечинските системи за греење и ладење

Регионалната конференција „Обновливи извори на енергија во далечинските системи за греење и ладење“ организирана од страна на Европската банка за обнова и развој (ЕБОР) и Федералното Министерство за финансии на Австрија во партнерство со IRENA (International Renewable Energy Agency), ќе се одржи во Белград на 5-ти и 6-ти декември 2019. Конференцијата ќе се одржи во Сава центарот во склоп на 50-тата изложба за опрема за греење, климатизација и вентилација.  На конференцијата ќе се разгледуваат можностите за примена на геотермалната енергија, биомасата, соларната енергија и сл., како извори на енергија за далечинските системи за греење и ладење.

За да ги поддржи ваквите проекти, ЕБОР основал посебен фонд за за земјите од Западен Балкан, со намера да овозможи имплементација нa десет проекти во Албанија, БиХ, Црна Гора, Македонија, Косово и Србија.