Плоштад во Копенхаген реконструиран за да одговори на велосипедските потреби

Јавниот плоштад Карен Бликсенс Плејдс, кој се наоѓа меѓу зградата на Универзитетот во Копенхаген и данската кралска библиотека, е на ред за реновирање.

Архитектонската фирма COBE дизајнираше иновативен и мултифункционален архитектонски и урбанистички дизајн за овој урбан простор, благодарение на грантот од приватната фондација A.P MPller Fonden.

Комбинацијата на функции на јавен град и универзитетски плоштад произведе решение што претставува систем на изолациони форми кои создадоа зони за разни активности, како на ридовите, така и во нив.

Бетоните се покриени со плочки кои се компатибилни со фасадите на универзитетските згради, со што се стремат кон подобро вклопување.

На плоштадот доминира иновативниот концепт на паркирање со велосипеди. Покрај тоа што служи како собирно место за студенти, за локално вработените луѓе и за локалните жители, на плоштадот има обезбедено дури 2.000 места за паркирање на велосипеди, што е многу важен факт со оглед дека луѓето во Копенхаген масовно користат велосипеди како нивно главно средство за транспорт, и само во оваа градска локација секојдневно одмораат 16.000 студенти и 2.000 вработени.

Со оглед на тоа што бетонските конструкции на школка обично немаат дупки, а дизајните на куполи имаат големи отвори, ова беше конструктивно многу предизвикувачки проект што COBE можеше да го реализира во соработка со CN3 и EKJ.

Северната страна на плоштадот, во која се сместени и трите главни влезови на Универзитетот, е значително отворен и овој простор има повеќенаменска функција.

На јужната страна, плоштадот е брановиден и го поврзува кампусот со локалната заедница.

Покрај целта да се донесе природата во кампусот, се водело сметка и за одржливите системи како што се собирање на дождовница која се користат во одредени зони за создавање дополнителна влага и така се оддржува биолошката разновидност на локацијата.

За формирање на плоштадот користени се цврсти, едноставни и издржливи материјали, за кои не се потребни посебни третмани за одржување.