Песочно кралство на роботи во Данска (видео)

На западниот брег на Данска се наоѓа песочното кралство на роботи, сместено недалеку од градот Сондервиг. Импресивните фигури од песок се дело на уметници од целиот свет, учесници на традиционалниот Фестивал на песочни скулптури.

Уметничките инсталации опкружени се со 200 метри долг и седум метри висок ѕид, кој исто така е украсен со скулптури. Биле потребни 10 дена да се изгради ѕидот.

Темата на овогодинешниот Фестивал на песочни фигури беше инспирирана од роботи. Фестивалот привлече повеќе од 120.000 посетители, а веќе е најавена и темата за наредната година, уметниците инспирација ќе бараат во мрачниот среден век.