Lego револуција: Придонес во борбата со пластичниот отпад со изнајмување на коцки, наместо продажба

Данскиот производител на играчки Lego размислува за модел за изнајмување на своите легендарни коцки, со цел да одговори на проблемот со користењето на пластиката во своите производи и да даде придонес во намалувањето на пластичниот отпад. Производните компании од различни сектори во моделот на изнајмување на производите гледаат прилика за намалување на влијанието врз животната средина, но и нов извор на приходи. Комисијата за бизнис и одржлив развој покрената во давос во 2016 година, проценила дека приходите и потенцијалната заштеда од изнајмувањето на производите би можела до 2030 година да достигне 1.000 милијарди УСД.

Потпретседателот на компанијата Lego задолжен за одржливост, изјавил дека компанијата е „целосно отворена“ во врска со идејата за изнајмување на играчки. Тоа е изводливо, иако постојат одредени технички препреки.“ Притоа, тој првенствено мислел на сложеноста на одредени комплети кои содржат и по илјада делови.