Ќе се отвори највисоката зграда во Африка

Највисоката зграда во Африка е изградена во Сандтон, финансискиот центар на Јоханесбург, а ќе биде отворена до крајот на годинава. Зградата под името Leonardo има 55 ката и висока е 227 метри. Со тоа, Leonardo за 4,6 метри е повисока од претходниот рекордер  Chartlon Center кој доминираше со панорамата на Јоханесбург уште од 1972 година.

Проектот е дело на jужноафриканската компанија Co-Arc International Architects, и опфаќа простор со мешовита намена – деловен простор, апартмани и хотелски соби. Проектантскиот тим од 11 членови, брои дури девет жени, од која едната е лидер на истиот. Ова е голем чекор во однос на родовата еднаквост, со оглед дека во оваа земја само 21% од вкупно регистрираните архитекти се жени.