„Летни приказни“ утре во Даут пашин амам

Утре, со почеток во 13 часот во дворот на Даут пашин амам, ќе се одржи изложба на детски креативни работилници насловена како „Летни приказни“.

Во текот на летниот период реализиран е циклус од детски креативни работилници под наслов „Летни приказни“. Во креативниот циклус анимирани се теми кои се составен дел од летниот распуст како: „Во Морските длабочини“, „Сладолед“, „Овошјето како уметност“, „Градот убав пак ќе никне“, „Жнееме и твориме“.
Ова лето, 2019 година, во проектот насловен „ Летни приказни“ учествувале деца од повеќе училишта и едукативни центри, кои имале можност да работат во различни ликовни техники на споменатите теми.
Работилниците биле водени под менторство на едукаторот Маја Димитрова.