Електричните автомобили ќе мора да генерираат звук од безбедносни причини

Европската унија неодамна одлучи сите нови електрични автомобили кои ќе сообраќаат низ улиците на Унијата, од 1-ви јули задолжително да имаат вграден звучен систем т.н AVAS (Acoustic Vehicle Alert System). На овој начин треба да се предупредат пешачите, велосипедистите и другите уесници во сообраќајот, дека наидува автомобил. Благодарение на AVAS, електричното возило ќе го најави своето доаѓање и присуство во сообраќајот преку континуиран звук од 56 децибели, што е еквивалентно на бучавата која ја генерира клима уред или електрична четкичка за заби. Звукот ќе се активира доколку автомобилот се движи со  20 km/h или побавно. Звучното предупредување не смее да биде погласно од 75 децибели, што е вообичаено ниво на бучава за автомобилите со мотори со внатрешно согорување.