Општина Центар урива диви тераси

Општина Центар утрово почна со уривање на диви тераси на кафеаните. Во Дебар Маало работници ангажирани од Општината прво почнаа со отстранување на нелегалната тераса на кафеаната „Шпаиз“ на аголот на Боемска улица и „Орце Николов“.

Од Општината велат дека имаат издадено 16 решенија за уривање на летни тераси и сите една по една ќе се отстрануваат бидејќи тоа не го сториле сопствениците.

„Сите објекти кои ќе се уриваат имаат отстапување од Правилникот за летни тераси. Најчесто имаа одобрение за на пример икс метри летна тераса, а зафаќаат двојно или тројно повеќе, притоа узурпираат јавен простор” , велат од Општина Центар.