Пластика која може неограничено да се рециклира

Од 2015 година до денес САД рециклирале само 10% од пластиката која ја користеле, поради фактот што бројни видови пластика едноставно не се погодни за рециклажа. Но, сега таа состојба се очекува драстично да се смени, откако научниците од лабораторијата во Беркли откриле пластика за која тврдат дека може да се рециклира неограничено.  Во трудот објавен во списанието Nature, тие го опишуваат процесот на создавање на новиот вид пластика – полидикетоенамин или ПДК пластика. Врските помеѓу адитивите и мономерите се реверзибилни а не трајни. Тоа им овозможува на стручњаците користење на обновени мономери за рециклирање на пластиката.