Gaetano Pesce со нова колекција UP50

Легендарната колекција на мебел UP на Gaetano Pesce за B&B ITALIA, создадена 1969 година, оваа година слави 50 години. Оваа колекција е вклучена во збирките на познатите музеи MoMA во Њујорк и V&A во Лондон. Годинава е совршено време да се одаде почест на изворниот дизајн со нова колекција наречена UP50.

Архитектот Pesce го започнал својот поход во дизајнот со колекцијата UP во клучен момент. Во доцните шеесети години на минатиот век дизајнот станал и критичар и коментатор на општествените случувања и политичките превирања.

Како што и самиот кажал: „објектот не смее да биде израз на самиот себе. Не е доволно да се прават меки работи за луѓето да седат на нив“. Неговата цел била, а и денес е сеуште, да се даде форма на на идеите кои комуницираат со луѓето на суптилен начин.

Новата колекција UP50 на Gaetano Pesce сега има нови бои, портокалово – црвена, морнарско плава, смарагдно зелена, додека пругастата верзија е со оригиналната палета на бои од 1969. UP50 беше претставена на Milan Design Week.