Македонија и Бугарија бараат пари од ЕУ за железничка линија

Финансиска поддршка од Брисел за експресната железничка линија меѓу Софија и Скопје побарале министрите за надворешни работи на Бугарија и Македонија Кристијан Вигенин и Никола Попоски во писмо упатено до еврокомесарот за проширување Штефан Филе и регионална политика Јоханес Хан, соопшти dariknews.bg.

Трасата е дел од коридор № 8. Министрите нагласуваат дека доделувањето на поголема финансиска помош за завршување на овој и други инфраструктурни проекти е клучот за двете земји, така и за ЕУ, бидејќи ќе ја олесни трговската размена и ќе се зголеми протокот на патници граѓани. Растојанието меѓу двете престолнини е околу 220 километри, но меѓу нив нема железничка врска.